“Ubuntu”, lenda africana

 

Un antropólogo visitou un poboado africano. Quixo coñecer a súa cultura e pescudar cales eran os seus valores fundamentais. Deste modo ocorréuselle un xogo para os nenos e as nenas. Puxo unha cesta chea de froita preto dunha árbore. E díxolles o seguinte:

- O primeiro que chegue á árbore, quedará coa cesta da froita.

Pero cando o home deu o sinal para que empezase a carreira, ocorreu algo insólito: as nenas e os nenos colléronse da man e comezaron a correr xuntos. Ao chegar ao mesmo tempo, puxéronse a gozar todos do premio. Sentaron e repartíronse as froitas.

O antropólogo preguntoulles por que fixeran iso se unha persoa soa podía quedarse con toda a cesta. Un dos nenos respondeu:

- 'Ubuntu'. Como vai estar un de nós feliz se o resto está triste?

O home quedou impresionado pola sensata resposta dese pequeno. “Ubuntu”, é unha antiga palabra africana que na cultura Zulú e Xhosa significa 'Eu son porque nós somos'. É unha filosofía de vida, que consiste en crer que cooperando conséguese a harmonía xa que se logra a felicidade de todas e de todos.